Իրանի անձնվեր նախագահը հավատարիմ մնաց իր խոստմանը և զոհաբերեց իրեն հանուն ժողովրդի. Իրանի կառավարության հայտարարությունը

Իրանի կառավարությունը հայտարարություն է տարածել երկրի նախագահի, ԱԳ նախարարի մահվան կապակցությամբ։

Այնտեղ մասնավորապես ասված է. «Իրանի անխոնջ և անձնվեր նախագահը, որը բացի իրանցի մեծ ժողովրդին ծառայելուց, այլ բանի մասին չէր մտածում, հավատարիմ մնաց իր խոստմանը և զոհաբերեց իրեն հանուն ժողովրդի:

Իրանի Իսլամական Հանրապետության կառավարությունը ուղղաթիռի ողբերգական աղետի կապակցությամբ խորին ցավակցություն է հայտնում ժամանակի իմամին (թող արագանա նրա գալուստը), Իսլամական հեղափոխության մեծ առաջնորդին և Իրանի ազնիվ ժողովրդին՝ սիրելի և անձնվեր նախագահ այաթոլլա Ռայիսիի, արտաքին գործերի նախարար Հոսեյն Ամիր Աբդոլլահիանի, ուրբաթօրյա աղոթքի իմամ Թավրիզ Ալ-Հաշեմիի և Արևելյան Ադրբեջանի նահանգապետ դոկտոր Մալեք Ռահմաթիի, ինչպես նաև այլ ուղեկցողների վերելքի կապակցությամբ:

Հավատացնում ենք մեր հավատարիմ, վեհ ու սիրելի ժողովրդին, որ ժողովրդի հերոս ու ծառա, առաջնորդի հավատարիմ ուղեկից այաթոլլա Ռայիսիի անխոնջ ոգով ներշնչված՝ փառապանծ ծառայության ու անձնվիրության ուղին շարունակվելու է: Ամենակարող Ալլահի օգնությամբ և մեծահոգի ժողովրդի աջակցությամբ Երկրի ջիհադական կառավարման մեջ չնչին վնաս չի լինի»:

Leave a Comment