8 երկիր, որտեղ $1000-ով կարող եք անհոգ ապրել

Ընկերներ, Infoman.am-ի թիմը ջանք ու եռանդ չի խնայում, որպեսզի ձեզ տա միայն որակյալ ինֆորմացիա: Շնորհակալ ենք մեզ վստահելու և ոգեշնչելու համար: Միացեք մեզ Facebook-ում:

Այս նյութը կարդացել է 853 մարդ




 Ավելի քան 100 երկիր այցելելուց հետո այս զբոսաշրջիկը եկել է այն եզրահանգման, որ մինչ ամերիկացիներն իրենց ամբողջ օրը ձանձրալի աշխատանք անելով են անցկացնում կամ էլ ժամանակ վատնում կարճաժամկետ հարաբերությունների վրա, որոշ երկրներում մարդկանց առօրյայում բացակայում են ձանձրույթը, անհանգստությունն ու ափսոսանքը։ Մարդիկ այդ երկրներում միշտ ասում են. «Ժամանակդ մի՛ վատնիր, վայելիր կյանքը»։
 Եթե պլանավորում եք հիշարժան ու անկրկնելի օրեր անկացնել որևէ երկրում, ապա այլևս կարիք չկա մտահոգվելու ծախսերի մասին։ ԱՄՆ կառավարությունը միայնակ ապրող մեկ անձի համար որպես տարեկան անհրաժեշտ նվազագույն գումար է սահմանել է 12.000 դոլարը։ ԱՄՆ-ում ամսական 1.000 դոլարով անգամ չեք կարողանա մի նահանգից մյուսը ճամփորդել, բայց այդքան գումարով այս բոլոր երկրներում կարող եք անհոգ ու երջանիկ կյանքով ապրել։ Այս երկրներից յուրաքանչյուրում ամսական 1.000 դոլարը բավական է ոչ միայն բնակության վայրի և ուտելիքի, այլև այնպիսի արկածներ ունենալու համար, որոնց մասին շատ գումար վաստակող ամերիկացիները անգամ չեն էլ կարող երազել։
 Ներկայացվող ցուցակին կարելի է շատ այլ երկրներ ավելացնել, բայց եթե գործուղման նպատակով չեք գնում, ապա խորհուրդ չենք տա ուղղակի ճամփորդել օրինակ՝ Նիգերիա կամ Պակիստան։


 Հայաստան
 Գարեջրի արժեքը՝ $1.50, իսկ վաճառողներից շատերն ունեն բարձրագույն կրթություն, երբեմն՝ անգամ ասպիրանտի կոչում։
 Ինչպե՞ս գումար խնայել։ Բարձրակարգ օպերայի տոմսն արժե ընդամենը $6։
 Իսկ ինչո՞ւ հենց Հայաստան։ Բարձրագույն կրթություն ունեցողները Հայաստանում ավելի լավ են անգլերեն խոսում, քան ամերիկացիներն ԱՄՆ-ում, իսկ շախմատը ազատ ժամանակն արդյունավետ օգտագործելու ամենատարածված միջոցն է։ Նորաձևությունն ու գինեգործությունը երկրում խորը արմատներ ունեն, իսկ օրգանական սնունդը չափազանց մատչելի է։ Իրանի, Թուրքիայի, Վրաստանի ու Ադրբեջանի մեջ խցկված լինելով՝ այս քրիստոնյա երկրում կան ավելի քան 4.000 կրոնական ու մշակութային կոթողներ, որոնք անմիջապես պահպանվում են կառավարության կողմից։ Գրեթե բոլոր եկեղեցիներում կարող եք ազատ շփվել տեղի քահանաների հետ, ովքեր սովորաբար շատ են սիրում զրուցել։ Ինչպես օրթոդոքս քրիստոնյաները, հայերը նույնպես ամուսնանում են, ընտանիք կազմում։ Հարկ է ավելացնել, որ նրանք բոլորն ունեն հումորի սուր զգացում ու կավե կուժի մեջ տնական գինի հյուրասիրելու տարածված սովորություն։
 «Հայաստանյան աստիճաններ՝ դեպի դրախտ». այսպես կարելի է բնութագրել Գրանդ Կանյոնին շատ նման ճանապարհը, որը տանում է Նորավանք։
Հայաստանում տարվա մեջ լինում է ավելի քան 300 արևային օր, իսկ եթե դրան ավելացնենք բոլոր կողմերից հարյուրավոր լեռների հրաշալի տեսարանը, ապա կարելի է ասել, որ երկնքում պարապլանով սավառնելոււ համար Հայաստանն աշխարհում ամենահարմար երկիրն է, ընդ որում՝ ինչպես փորձառուների, այնպես էլ սկսնակների համար։


 Բոլիվիա
 Գարեջրի արժեքը՝ 75 ցենտ։ Եթե համարձակվեք փորձել բոլիվիական կծու չիլի պղպեղների 1.200 տեսակներից ցանկացածը, ապա, անշուշտ, գարեջուր ըմպելու կարիք կունենաք։
 Ինչպե՞ս գումար խնայել։ Սովորական պայմաններով հյուրատանը մեկ գիշեր անցկացնելն արժե ընդամենը $5, իսկ ալպակայի հետ զբոսանքի գնալը լիովին անվճար է։
 Իսկ ինչո՞ւ Բոլիվիա։ Երկիրը թաքնված է Խաղաղ օվկիանոսի ետևում՝ սահմանակցելով Պերուին և Չիլիին։ Դե ֆակտո մայրաքաղաքը Լա Պասն է, որը գտնվում է ծովի մակերևույթից ավելի քան 3.600 մետր բարձրության վրա ու համարվում աշխարհի ամենաբարձր մայրաքաղաքը։ Ալկոհոլն այնտեղ վաճառվում է գրեթե ինքնարժեքով, իսկ գիշերային երեկույթների գնալն այստեղ բավականին տարածված է։
 Համարյա բոլորը կաթոլիկ են։ Հարավային Ամերիկայում ամենաշատ բնիկ ամերիկացիներն ապրում են հենց Բոլիվիայում։ Չնայած երկրի 10%-ից ավելին կազմում են հարթավայրերն ու դաշտերը, անասնապահությունը շարունակում է մնալ մարդկանց հիմնական զբաղմունքը։ Իսկ որոշ մշակաբույսեր անգամ մեծ ճոխություն են համարվում նրանց համար։
 Բոլիվիացիները երբեք չեն շտապում. երևի որովհետև աշխատում են մշակութային կապ պահպանել իրենց 3000-ամյա նախնիների հետ։ Վերջին 185 տարվա ընթացքում նրանք ունեցել են մոտավորապես 200 ղեկավար, ու դժվար չէ կռահել, որ ներկայիս նախագահին հավանաբար քիչ ժամանակ է մնացել։
Բացի 160 դոլար արժողությամբ վիզայից՝ Հարավային Ամերիկայի ամենաքիչ այցլվող երկրում ամեն ինչ շատ էժան է, չափազանց էժան։ Եթե ցանկանում եք Լա Պասի աղմուկից կտրվել, ընդամենը 50 կմ հեռավորության վրա է գտնվում Տիտիկակա ծով-լիճը, ուր կարելի է հանդիպել բազմաթիվ լամաների ու ծարավ կովերի նախիրների։
 Խելահեղ արկածներ ես փնտրո՞ւմ։ Կորոիկոն Լա Պասին միացնող «Մահվան ուղի» կոչվող ճանապարհը հեծանիվով անցնելը վատ միտք չէ։ Բայց երբ ճանապարհով իջնում ես ավելի քան 3000 մետր, վերևի թեթև ու նոսր օդին փոխարինում է ծանր ու խոնավ օդը։ Ճանապարհով անցնելիս հաստատ կնկատեք ցած գլորված բազմաթիվ մեքենաներ: Բայց մի՛ մտահոգվեք, Լա Բասի հիվանդանոցները բավականին լավն են։


 Ֆիջի
 Գարեջրի արժեքը՝ 2 * $1.25, քանի որ պետք է մեկն էլ գնես տեղացի նոր ընկերոջդ համար։
 Ինչպե՞ս գումար խնայել։ Ազգային խմիչք համարվող Կավայի մեկ բաժակն իսկապես շատ էժան արժի։
 Իսկ ինչո՞ւ հենց Ֆիջի։ Ի տարբերություն Խաղաղ օվկիանոսում գտնվող Պոլինեզիայի մյուս կղզիների՝ կյանքը Մելանեզիական Ֆիջիում նման է Կարիբյան կղզիներին։ Լոս Անջելեսից 10 ժամ թռչելուց հետո հայտնվում եք մի հրաշալի վայրում, ուր ուսապարկով, ջրասուզման և այլ ճամփորդական պարագաներով այցելելը շատ ողջունելի է։ Ֆիջիի ամենաբնակեցված կղզում՝ Վիտի Լեվուում, կան բազմաթիվ ծովափնյա հանգստավայրեր, ուր կարելի է գիշերն անցկացնել ընդամենը 20 դոլարով։
 Եթե այստեղ երկար եք մնալու, ապա ավելի լավ կլինի, որ գնաք գյուղական համայնքներ, որպեսզի կարողանաք քիչ գումար ծախսել։ Ֆիջիի 325 կղզիներից ընդամենը 100-ն են բնակեցված, իսկ այցելուները հազվադեպ են այլ կղզի գնում՝ բացի Վիտի Լեվուից ու կողքի մի քանի այլ մեծ կղզիներից։ Փոխարենը շատերը բարձրանում են Վիտի Լեվուի լեռը, երկար քայլարշավներ անում։ Իսկ հետո կարող եք հավաքվել Կավայի սեղանի շուրջ ու ըմպել կախարդական ոգելից խմիչքը, որը ժամանակին օգտագործում էին պատերազմական իրավիճակները կարգավորելու համար։
 Անմոռանալի արկածների կարի՞ք ես զգում։ Ֆիջիի Նադի և Սուվա քաղաքներն այնպիսին են, որ այնտեղ կարող ես հանգիստ ծախսել ամբողջ գումարդ՝ հագեցնելով ադրենալինի պակասը։ Շատ մի՛ մտածիր, քանի որ, երբ վերադառնաս, հաստատ չես ափսոսի ծախսածդ գումարի համար։


 Գրենադա
 Գարեջրի արժեքը՝ $1, ու հավանաբար այն կգնեք ծովափնյա կրպակից՝ ավազի վրա ոտաբոբիկ կանգնած։
 Ինչպե՞ս գումար խնայել։ Արևադարձային համեմունքներն այստեղ շատ ավելի մատչելի են, քան այլ խանութներում։
 Իսկ ինչո՞ւ Գրենադա։ Գրենդայում կան բազմաթիվ շքեղ ծովափեր, ուր անպայման պետք է այցելել։ Հնարավոր է, որ այնտեղ շատ ժամանակ վատնես, քանի որ տեղացիների երգելու նման ակցենտը միշտ պետք է թարգմանես, որպեսզի հասկանաս, թե ինչ են ասում։ Այստեղ պահում են բրիտանական գաղութի կանոնը․ դատարան մտնելիս յուրաքանչյուր ոք պետք է խոնարհվի թագուհու նկարի առաջ։ Իսկ եթե հանկարծ հայհոյեք, ապա դատարանում հայտնվելու ձեր շանսերը շատ մեծ են։ Տեղացիներն այն անվանում են «եկեղեցական կանոն», ու եթե ոստիկանի ականջն ընկնի հայհոյական արտահայտությունդ, ապա ձեր ձերբակալվելը երաշխավորված է։ Համենայն դեպս, Գրենադայում գոնե որևէ հատուկ լեզվի իմացության կարիք չկա․ մի փոքր անգլերեն իմանալը լիովին բավական է։
 Կարող եք երկար զբոսնել Գրենադայի սքանչելի ջունգլիներում կամ էլ ժամանակը ծուլորեն անցկացնել ծովափում պառկած։ Տեղական կերակուրների մեջ իր մեծ տեղն ունի թարգմանաբար «յուղով լցված» կոչվող ուտեստը, որի անունը գալիս է պատրաստման եղանակից․ խառնում են կոկոսի յուղը, հացենու պտուղները, քալալու, բամիա, կաղամբ, ձուկ, քրքում և ձեռքի տակ եղած այլ բաղադրիչներ։
 Երկրի ամենամեծ ծովափին հարակից շրջանաձև տարածքին հաճախ սարկազմով անվանում են Վոլսթրիթ, քանի որ երկու կողմերում բանկեր են։ Այդ վայրը միշտ գրավում է անգամ տեղացիներին, ովքեր հավաքվում են խորոված ուտելու ու մի քիչ էլ խմելու։ Ուշ երեկոյան մեքենաներից բարձր երաժշտության ձայներ են գալիս, ինչն էլ գրեթե ամեն օր ինքնաբուխ երեկույթներ է ստեղծում։


 Լաոս
 Գարեջրի արժեքը՝ $1.25՝ Guns N Roses խմբի ձայնասկավառակի հետ միասին։
 Ինչպե՞ս գումար խնայել։ Բամբուկից պատրաստված ձեռագործ լաստանավն արժե ընդամենը $15։
 Իսկ ինչո՞ւ Լաոս։ Միգուցե ամերիկացիներն իրենց նախկին թշնամի երկրացիներին հանդիպելիս մի փոքր թշնամաբար վերաբերվեն, բայց լաոսցիները բոլորին շատ ջերմորեն են ընդունում՝ անտեսելով այն փաստը, որ Վիետնամի պատերազմի ժամանակ ԱՄՆ-ն պարբերաբար ռմբակոծում էր։
 Այս բուդդիստական երկիր այցելելուց հետո հաստատ կկարողանաս ընկերներիցդ ավելի լավ բանջարեղենային ուտեստներ պատրաստել։ Ժամանելուն պես կսկսես ավելի դանդաղ քայլել ու դանդաղ խոսել։ Մուանգ Նգոի Նեուա կոչվող գյուղն իսկապես հրաշալի վայր է մեքենաների աղմուկից կտրվելու համար։ Այստեղ բնությունը շատ գեղեցիկ է։ Ի դեպ՝ գյուղ հասնելու համար միակ տրանսպորտային միջոցը նավն է։ Ծախսելով ընդամենը 6-10 դոլար՝ օրական 3 անգամ կարող ես մերսման ծառայություններից օգտվել։ Այս երկրում օտարերկրացիներին կոչում են ֆալանգ, ու նրանք պարտավոր են բոլոր ծառայությունների համար սովորական գնից 2 անգամ ավել վճարել։


 Մոնտենեգրո
 Գարեջրի արժեքը՝ $1.75, իսկ վաճառողուհիները գաղափար անգամ չունեն, որ ԱՄՆ-ում իսկական մոդելներ կհամարվեին։
 Ինչպե՞ս գումար խնայել: Երկրի մայրաքաղաքը Ադրիատիկ ծովից բաժանող ճամապարհն ավտոբուսով անցնելը ընդամենը $7 արժե:
 Ինչո՞ւ Մոնտենեգրո։ Կոմունիստական ազդեցությունից դուրս եկած այս երկրում ամեն ինչ շատ հիանալի է։ Մայրաքաղաքը Պոդգորիցան է, ուր կան բազմաթիվ նորաոճ շենքեր, որոնք էլ վկայում են սովետական բետոնե դարաշրջանի վերացած լինելը։ Բայց այնպես չէ, որ Մոնտենեգրոյում մարդիկ միայն աշխատում են, նրանք նաև գիտեն, թե ինչպես կարելի է լավ ժամանակ անցկացնել։
 Եվրո օգտագործող այս լեռնային երկրում կարող եք կիլոմետրերով քայլել ծովեզրով, բայց իրական խրախճանքը սկսում է, երբ գնում ես Պոդգորիցայի բացօթյա ռեստորաններ՝ Մորացա գետի ափին, ուր ազգային երաժշտական խմբերը հաճախ համերգներ են ունենում։


 Նիկարագուա
 Գարեջրի գինը՝ $1.65, ու այն գնելիս դպրոցում սովորած իսպաներեն մի քանի բառերն ու արտահայտությունները հավանաբար պետք կգան։
 Ինչպե՞ս գումար խնայել: Սերֆինգի դասընթացները մի ժամվա համար արժեն ոչ ավել, քան $10։
 Ինչո՞ւ Նիկարագուա։ Կենտրոնական Ամերիկայի այս ամենաաղքատ երկրում կբացահայտեք բազմաթիվ հրաշալիքներ։ Հավանաբար կզարմանաք, երբ նկատեք, թե ինչպես են մարդիկ այստեղ մեկ ամսվա ընթացքում ծախսում ընդամենը $500։ Արևի դուրս գալուն պես սերֆինգի սիրահարներն արդեն ծովում են լինում։
 Նիկարագուայի ափերը ողողում են Կարիբյան ծովի ու Խաղաղ օվկիանոսի ջրերը։ Կարիբյան հատվածում ապրում են կրեոլները՝ նախկին ստրուկ ցեղերի իրավահաջորդները, իսկ արևմուտքում՝ իսպանական ու լատինական արմատներ ունեցողները։
 Կարիբյան ծովափի կողքին կան յոգայի ոչ թանկ հանգստավայրեր, ուր մեքենաների մուտքն արգելվում է․ օրենքը թույլ չի տալիս շարժիչով ցանկացած սարքի մուտքն այստեղ։
 Նիկարագուայի արևմուտքում է գտնվում երկրի ամենաառաջին հինգաստղանի հյուրանոցը։ Մուքուլն անսպասելիորեն հրաշալի վայր է․ այս ոճն ու մակարդակը զարգացող երկրներին այդքան էլ հատուկ չէ։ Այստեղ հանգստանալու են գալիս կա՛մ նորապսակ զույգերը, կա՛մ էլ երկրի էլիտան։


 Զիմբաբվե
 Գարեջրի արժեքը՝ $2, որը մատուցվում է վայրի բնության բուրմունքով
 Կարելի է ասել, որ Զիմբաբվեն Աֆրիկայի ադրենալինի մայրաքաղաքն է։ Երբ Զամբեզիի ջրերը թափվում են Վիկտորիա ջրվեժ, առաջացող ջրի ցողն այնքան հսկայական է, որ հաստատ տիեզերքից էլ կերևա։
 Առողջ ապրելակերպ վարելն այստեղ բավականին հեշտ է ու միաժամանակ՝ մատչելի։ Պատճառներից մեկն այն է, որ տեղացիների մեծ մասն ապրել է առանց էլեկտրականության ու օգտագործել միայն հեշտ պատրաստվող օրգանական սնունդ։
 Ադրենալինի պակասություն չեք զգա Զիմբաբվեում։ Վիկտորիայի կամուրջը, որը կառուցվել է 1905 թվականին, գնացքի ու մեքենայի ճանապարհով կապում է Զիմբաբվեն Զամբիայի հետ։ Աֆրիկայի չորրորդ ամենաերկար գետի վրայի կամուրջը հարմար վայր է արկածներ ունենալու համար՝ ներառյալ «զվարճալի ինքնասպանության փորձը»։ Աշխարհի երրորդ ամենաբարձր bungee-jump-ը (պարանով թռիչքը) գտնվում է այնտեղ՝ ավելի քան 110 մետր բարձրությամբ ազատ անկումով։
Աղբյուրը՝ BlogNews

Համացանցը խենթանում է այս լուսանկարի համար. Աշխարհի առաջին սպան` երեխաների համար

Սա ոչ սովորական սպա է ավստրալական Պերտ քաղաքում, այնտեղ առաջարկում են բարձրակարգ ջրաբուժում և մերսում բացառապես հաճախորդների համար, որոնց տարիքը մինչ 6 ամսական է:

Խորհուրդներ աշխարհի ամենահարուստ 6 մարդկանց կողմից

Եթե դուք ինչ-որ բան արել եք, և դա ձեզ հաջողվել է, կանգ մի՛ առեք և մի՛ դոփեք նույն տեղում: Մեկ այլ բան էլ արեք: Պարզապես որոշեք՝ ինչ անել հետո:

Հնարամիտ ու նորաձև կյանք՝ 24 քառ. մետր տարածքում

Շատ մարդիկ ձգտում են ունենալ մեծ դղյակներ, մինչդեռ պարզվում է, որ ապրելու համար տարածքի մեծությունն այդքան էլ առաջնային չէ: Եթե լինես կրեատիվ, կարող ես ապրել նույնիսկ 24 քառակուսի մետր մակերեսով տարածքում:

Գիտնականները պարզել են, թե ովքեր են երջանիկ մարդիկ

«Թայմս» թերթը գրում է, որ մարդու երջանկության վրա էական ազդեցություն ունի այն հանգամանքը, թե նա որքան գումար է ծախսում բարեգործական նպատակներով:

Այս աղջիկն եղել է աշխարհի բոլոր երկրներում և առանձնացրել է 10 սիրելի վայրերը

Կեսսի դե Պեկոլը վերջերս դարձավ առաջին կինը, ով եղել է աշխարհի բոլոր երկրներում: Դա կազմում է 196 երկիր: Նա այդ երկրներն այցելել է ընդամենը 18 ամսում:

Ինչու՞ է ճիշտ նվիրել կենտ թվով ծաղիկներ

Հայաստանում և մի շարք այլ երկրներում ընդունված է նվիրել կենտ թվով ծաղիկներ, սակայն այլ երկրներում` հակառակն է:

Երբեք դեն մի գցեք շշերի պլաստիկ կափարիչները: Ահա թե ինչու

Կարծում ե՞ք կափարիչները հավաքելն անիմաստ է: Սակայն դրանք կարող են անգամ մարդու կյանք փրկել:

Այս երկրներում ապրում են աշխարհի ամենաերջանիկ աշխատողները

Աշխատողների` աշխատանքից բավարարվածության վրա ազդում են մի շարք գործոններ: Հետազոտությունները ցույց են տվել, թե որտեղ են ապրում աշխարհի ամենաերջանիկ աշխատողները: